Tuesday, November 14, 2017

FURAHA HII HUJA KWA MAANDALIZI BORA

Timu ya soka ya SHEIN RANGERS SPORTS CLUB kwa sasa ipo katika maandalizi ya ligi ya mkoa na mashindano mengine yatakayojitokeza mbele.

Siri ya kuwa na furaha baada ya matokeo mazuri ni maandalizi mazuri na ya muda mrefu. Kwa sasa timu ipo katika maandalizi ili kuleta furaha. SHEIN RANGERS MSHIKAMANO DAIMA.

Thursday, November 9, 2017

MAANDALIZI LIGI YA MKOA YASHIKA KASI


Timu ya SHEIN RANGERS SPORTS CLUB inaendelea na maandalizi ya ligi ya Mkoa inayotarajia kuanza hivi karibuni. Mazoezi hayo yanafanyika katika uwanjwa wa Sinza "E" Darajani. Pamoja na kuanza kwa maandalizi hayo, baadhi wa wachezaji ambao hawajaripoti mazoezini kwa sababu mbalimbali wanatakiwa ifikapo Jumatatu ijayo wawe wameripoti mazoezini.

Friday, November 3, 2017

KWA KILA JAMBO NI VYEMA KUMTANGULIZA MUNGU

Imekuwa ni utamaduni wa wanamichezo wengi kujikabidhi kwa Mwenyezi Mungu kabla ya kuingia katika michezo, mchezo wa mpira wa miguu ni moja ya michezo hatari duniani.

Kwa picha hii hapo juu ni wachezaji wa SHEIN RANGERS SC wakijikabidhi kwa Mwenyezi Mungu kwa njia ya maombi. Asante Mungu kwa Ulinzi wako kwetu.

MAZOEZI YANAENDELEA

TAARIFA YA MWALIMU SHEIN RANGERS SPORTS CLUB KWA WACHEZAJI

Mwalimu Mkuu wa SHEIN RANGERS SPORTS CLUB, Ndg Rashid Said "Sir Mokake" ametoa taarifa kwa wachezaji wote kuwa mazoezi yataendelea katika uwanja wa SINZA "E" Darajani (TP) licha ya hali halisi ya uwanja kuwa sio rafiki.

Mazoezi ya timu kwa ujumla yataendelea hapo, hadi itakapotolewa taarifa mpya. Ni maneno ya Sir Mokake, Kocha Mkuu

Thursday, October 19, 2017

SIKIA ALICHOSEMA KOCHA SHEIN RANGERS

Team Shein Rangers Sporta Club
Mazoezi yanaendelea ni maandalizi ya kukijenga upya kikosi kujiandaa na ligi ya Mkoa wa Dar es Salaam, mchezaji mwenye uwezo wa kucheza ligi anakaribishwa.
By Sir Mokake team coach

SHEIN RANGERS Vs KAMBARAGE FC

Beki wa kati wa Shein Rangers Sc Masoud Juma (9) akipambana na mshambuliaji wa Kambarage fc katika mchezo wa kirafiki uliochezwa hivi karibuni na matokeo timu zilitoshana nguvu kwa sare ya 1-1 goli la Shein Rangers limefungwa na Sudy Suleimani (Crespo)

Wednesday, October 18, 2017

ABOUT SHEIN RANGERS SPORTS CLUB

Shein Rangers Sports Club is a Football club which started its operations in 1998, formerly known as Liverpool Football Club, it changed its name and came to be known as SHEIN RANGERS FOOTBALL CLUB in 2001 as soon when Dr. ALLY MOHAMED SHEIN was appointed as a vice President of Tanzania as a means of appreciating his appointment. Shein Rangers as a football club has its short and long term plans, in short term plans it aims to introduce variety of sports and games apart from football. And long term plans is to be the centre of youth talent promotion and improvement for various sports as we do believe that sports goes together with education, no education, no sports and vise versa, thus neither education nor sports will run away from each other that’s why we place our priority to education. Any youth, who is not interested in education, no matter how good he is, strictly will not be considered to our centre. Shein Rangers goes hand in hand with the Government of Tanzania to be against Illiteracy and Diseases especially AIDS, and YOUTH DRUG ADICTION. GOD BLESS SHEIN RANGERS SPORTS CLUB.

SHEIN RANGERS KUJA NA UJIO MPYA MSIMU HUU

Benchi la Ufundi la timu ya Shein Rangers Sports Club ambayo msimu huu itashiriki ligi ya Mkoa wa Dar es Salaam ikiwa ni msimu wake wa pili, benchi hilo limedhamilia kutumia sehemu kubwa ya wachezaji kutoka katika timu yake ya vijana chini ya miaka 17 (U 17) lengo ikiwa kuwaandaa kutumikia timu katika madaraja yajayo ya juu zaidi.

Saturday, January 7, 2017

SHEIN YAANZA LIGI VIZURI

Time ya Shein Rangers Sc imeanza vizuri ligi daraja la Pili mkoa wa Dar es salaam kwa kuichapa timu ya Amani Fc bao 4 - 0, mchezo huo uliochezwa Siku ya Ijumaa tarehe 6/1/2017 katika uwanja wa Kinesi ni wa kundi A. Magoli ya Shein yalifungwa na Fedson Deus matatu na moja Hamis Kado

Wednesday, November 9, 2016

KIKOSI CHA SHEIN RANGERS

Kikosi cha timu ya SHEIN RANGERS SPORTS CLUB kilichocheza mchezo wa kirafiki na timu ya BLACK STARS ya Gongolamboto na kutoka sare ya bao 2 - 2. Katika uwanja wa Sinza E darajani siku ya tarehe 08 November 2016.

Thursday, November 3, 2016

SHEIN RANGERS WAJAZA MAPENGO YA UONGOZI

Siku ya tarehe 30 October 2016 Klabu ya SHEIN RANGERS SPORTS CLUBI ilifanya uchaguzi mdogo kuziba nafasi ya Mwenyekiti na Makamu wake, aliyechaguliwa Mwenyekiti ni Ndugu Ally Mzee na Makamu wake ni Ndugu Amasha Zein. SHEIN RANGERS SC inawatakia kila la heri katika nafasi zao mpya.

Sunday, October 23, 2016

SHEIN RANGERS YAZAWADIWA VIFAA

Mdau wa michezo Sinza Ndugu Yahaya (kushoto) aizawadia timu ya SHEIN RANGERS SPORTS CLUB vifaa vya michezo. SHEIN ambao ndiyo mabingwa wa Wilaya ya Kinondoni, pichani juu akikabidhi jezi na mipira kwa mjumbe wa soka la vijana wa SHEIN ndugu Rashid Said hivi karibuni.

Tuesday, October 18, 2016

TAARIFA TOKA SHEIN RANGERS SPORTS CLUB

Uongozi wa timu ya SHEIN RANGERS SPORTS CLUB unapenda kutoa pongezi kwa wachezaji wake kwa kupapamba na kujitoa kwao hadi kufikia lengo tulilojiwekea mwaka huu la kupanda daraja kwa msimu huu. Vilevile uongozi unatoa Shukurani za dhati kabisa kwa wadau na wanamichezo wote walioiunga mkono timu kwa wakati wote wa ligi daraja la tatu Wilaya ya Kinondoni na hatimaye timu kujenga historia mpya kwa kuwa mabingwa wa ligi daraja la tatu Wilaya ya Kinondoni kwa msimu wa 2015/16 uliomalizika hivi karibuni.

Hakuna cha kusema zaidi ya kusema Asante wanakinondoni kwa kutuunga mkono kwa wakati wote.

Kwa sasa timu inaendelea na maandalizi ya ligi ya Mkoa katika uwanja wa Sinza "E" Darajani, pamoja na maandalizi hayo ni kipindi cha kutengeneza Kikosi imara cha ushindani na benchi la ufundi linatumia nafasi hiyo kufanya usaili kwa wachezaji wapya wenye uwezo wa kuitumikia timu. Benchi la ufundi Shein Rangers linapenda kuwataarifu wachezaji wanaojiona wana uwezo wa kuitumikia timu kufika uwanjani hapo kwa ajili ya majaribio. Muda wa majaribio ni saa 10:00 jioni hadi saa 12:30 jioni kila siku ya Jumatatu hadi Jumatano, eneo uwanja wa Sinza "E" Darajani.

Friday, October 14, 2016

SHEIN RANGERS NDIO MABINGWA WA KINONDONI



Timu ya Shein Rangers Sc leo imedhiilisha kuwa haikuongoza kundi B kwa bahati baada ya kuichapa Ukwamani FC walioongoza kundi A katika mchezo mzuri wa fainali kusaka Klabu bingwa ya Wilaya ya Kinondoni kutamatisha ligi daraja la tatu wilaya. Mchezo huo uliochezwa uwanja wa Kinesi umeamua nani bingwa wa wilaya kati ya timu mbili zitakazowakilisha Kinondoni katika ligi ya mkoa wa Dar es salaam.

Katika mchezo wa leo magoli yote ya Shein Rangers yalipatikana katika kipindi cha kwanza kupitia kwa mkongwe Shomari Pengo na Muddy Vidal. Pamoja na ushindi huo Shein ilizawadiwa Kombe na Cheti cha ushiriki wa ligi daraja la tatu kwa msimu wa 2015/16 iliyomalizika hivi karibuni.

FAINALI YA KLABU BINGWA KINONDONI LEO

Ule mchezo wa fainali Klabu Bingwa Wilaya ya Kinondoni uliokuwa unasubiriwa kwa hamu kubwa kati ya timu ya Shein Rangers na Ukwamani FC utachezwa leo katika uwanja wa Kinesi saa kumi jioni.

Pamoja na mchezo huo vilabu vyote vilivyoshiriki ligi daraja la tatu msimu huu vitakabidhiwa vyeti uwanjani hapo kabla ya mchezo huo.

Wednesday, October 12, 2016

FAINALI UBINGWA WA WILAYA YA KINONDONI

Kesho Ijumaa tarehe 14 October 2016 timu ya SHEIN RANGERS SPORTS CLUB inatarajia kuandika Historia mpya katika mchezo wa soka kwa kuwania ubingwa wa Wilaya ya Kinondoni baada ya kuibuka kinara wa kundi B katika ligi daraja la tatu Kinondoni. Kwa matokeo hayo itacheza na kinara wa kundi A timu ya Ukwamani FC kutafuta bingwa wa Wilaya.

Mchezo huo wa fainali utachezwa katika Uwanja wa Kinesi jijini Dar es salaam, muda wa saa 10:00 jioni. Vilevile pamoja na mchezo huo Chama Cha Mpira Kinondoni KIFA kinatarajia kutoa vyeti kwa timu zote shiriki ligi daraja la tatu iliyomalizika hivi karibuni, Viongozi wa vilabu mnatakiwa kudhuria tukio hilo litakalofanyika kabla ya mchezo wa fainali.

Mungu Ibariki Shein Rangers, Mshikamano Daima!!

Saturday, October 8, 2016

Wednesday, October 5, 2016

Shein Rangers Yaendelea na Mazoezi

Timu ya Shein Rangers inaendelea na mazoezi kujiandaa na fainali ya kutafuta bingwa wa Wilaya ya Kinondoni

Friday, September 30, 2016

SHEIN YANUSA DARAJA PILI MKOA DAR ES SALAAM

Wachezaji wa Shein Rangers Sports Club wakishangilia kupata nafasi ya kucheza ligi daraja la pili Mkoa wa Dar es salaam.

KOZI YA UKOCHA CHETI CHA AWALI


Mafunzo haya yanaandaliwa na KIFA wakishirikiana na Makocha Wakufunzi.
Kozi hii ni Maalum kwa;
1. Waalimu wa Soka
2. Viongozi wa Soka
3. Wadau wa Soka

Faida ya Cheti hiki:
1. Kuijua kiundani Soka na sheria zake
2. Kuongoza Klabu na Taasisi za Michezo
3. Ajira kufundisha Timu inayoshiriki mashindano yoyote isipokuwa Ligi Daraja la Kwanza na Ligi Kuu tu

Ada ya Mafunzo ni Tsh 85,000/= tu kwa wiki mbili

KWA WANAOHITAJI:
Fika ujisajiri mapema Ofisi za KIFA