Shein Rangers Sports Club

TAARIFA KWA WADAU TOKA BONDE FC

2011-12-12T23:09:00.000-08:00

Timu ya Bonde Fc inawatangazia mashabiki wake kuwa imeamua kujitoa katika michuano ya DAYOSA kutokana na ukiritimba na ufisadi unaofanywa na katibu wa chama hicho ndugu Mwinyimaji Tambaza kwa kitendo chake cha kuzifungia timu za Shein Rangers na Bonde fc zisishiriki michuano ya aina yoyote inayoandaliwa na chama hicho na hata kutotakiwa kucheza mechi za kirafiki na timu yeyote unayoshiriki michuano inayoandaliwa na chama hicho sasa tunajiuliza hivi huyu jamaa kazi yake kuendeleza soka au kuua vipaji vya vijana.kwani alikwisha wahi kumshawishi ndugu Ibrahimu Tewa kuifuta Shein katika michuano ya TEWA CUP baada ya shein kugoma kushiriki michuano ya DAYOSA inayoendelea kutokana na ukilitimba wa kiongozi huyu.

TAARIFA HII KWA MUJIBU WA MTANDAO WA BONDE FC

SHEIN YATINGA FAINALI TEWA CUP

2011-12-09T03:13:00.001-08:00

Timu ya watoto chini ya miaka 14 ya Shein Rangers SC imefanikiwa kuingia hatua ya fainali ya michuano ya TEWA CUP, baada ya kuichapa timu ya Baruti FC bao 1 - 0.

Kwa matokeo hayo timu ya Shein Rangers itacheza mchezo wa fainali na timu ya Bonde FC siku ya Jumapili katika uwanja wa shule ya msingi Somanga.

MIAKA 50 YA UHURU WA TANZANIA

2011-12-08T11:25:00.000-08:00

Timu ya Shein Rangers SC ya Sinza inaungana na wanamichezo na watanzania wote nchini na nje ya nchi katika kusheherekea MIAKA 50 YA UHURU WA TANZANIA.

Shein Rangers SC inawatakia sherehe zenye amani na upendo.

BONANZA LA SOKA KILA JUMAPILI

2011-09-28T02:20:00.000-07:00

Timu ya Shein Rangers Sports Club, itashiriki bonanza la soka linalifanyika kila siku ya Jumapili katika uwanjwa wa TP Afrika Sinza na kushirikisha timu mbali mbali za jijini Dar es salaam.

Bonanza hilo la soka ambalo upambwa na bendi mbali mbali toka jijini lilivutia sana wapenzi wa soka na muziki wakati wa ufunguzi wake Jumapili iliyopita na kunogeshwa na bendi ya Extra Bongo chini ya Ally Choki. Mgeni rasmi siku ya ufunguzi alikuwa mbunge wa Kinondoni Mh Iddi Azan. Na timu ya Shein Rangers ilishika nafasi ya tatu.

EID NJEMA

2011-08-30T06:32:00.000-07:00

Viongozi na wachezaji wa timu ya Shein Rangers ya Sinza wanawatakia wadau wake wote sikukuu njema ya Eid.

Kutokana na sikukuu hiyo timu ya Shein Rangers imetoa mapumziko kwa wachezaji wake mpaka siku ya Jumatatu tarehe 05 Septemba 2011.

Eid Mubarak.........

MAHARAJ BULU BALOZI WA SHEIN UGAIBUNI

2011-08-30T06:25:00.000-07:00

Mchezaji wa timu ya Shein Rangers SC ya Sinza Maharaj Bulu (wa kwanza kulia) anaendelea kuwakilisha vizuri soka la Shein Rangers na Tanzania kwa ujumla nchini Uingereza katika jiji la London akiwa na timu ya Stratford Juniour.

AZAM FC YALETA MAPINDUZI YA SOKA BONGO

2011-08-02T13:56:00.000-07:00

Timu ya Azam FC imeleta mapinduzi ya mchezo wa soka nchini kwa kuwa na timu imara yenye mwalimu bora pamoja na kumiliki uwanja wa soka wa kisasa kwa ajili ya mazoezi na michezo ya ligi kuu.

SIKU SHEIN ILIPOCHUKUA UBINGWA WA KINONDONI LIGI YA YOSSO

2011-08-01T04:44:00.000-07:00

Wapenzi wa soka na wachezaji wa Shein Rangers SC wakimpongeza kocha wa timu hiyo baada ya kuichapa Star Rangers ya Kimara katika mchezo wa fainali ligi ya YOSSO 2010 wilaya ya kinondoni katika uwanja wa Kinesi.

SHEIN RANGERS KATIKA PENATI

2011-07-30T14:05:00.000-07:00

Wachezaji wa timu ya Shein Rangers SC ambao ndio mabingwa wa YOSSO wilaya ya Kinondoni mwaka 2010 wakifatilia kwa makini wakati wenzao wakipiga penati katika mchezo wa nusu fainali ligi ya vijana mkoa wa Dar es salaam.

FIGO WA SHEIN RANGERS

2011-07-28T22:58:00.000-07:00

Mchezaji Victor Wenslau (figo) akipokea maelekezo toka kwa Mwalimu wake Rashid Said katika moja ya michezo ya ligi ya vijana mkoa wa Dar es salaam.

SHEIN NDANI YA TFF

2011-07-28T02:24:00.000-07:00

Timu ya Soka ya Shein Rangers SC, wakiwa jikoni mwa soka la Tanzania katika ofisi za Shirikisho la mpira wa miguu nchini TFF.

SHEIN RANGERS SC YAISHIA NUSU FAINALI

2011-07-26T00:07:00.000-07:00

Timu ya Shein Rangers imetolewa katika hatua ya nusu fainali ligi ya vijana mkoa wa Dar es salaam kwa penati 10 - 9 na timu ya Mapambano ya Temeke baada ya kutoa sare ya bao 1 - 1 katika muda wa kawaida.

TAARIFA TOKA BLOG YA SHEIN RANGERS

2011-07-20T00:50:00.000-07:00

Blog hii inapenda kuchukua nafasi hii kuwaomba radhi wasomaji wake na wadau wake wote kwa kutokuwa hewani kwa kipindi cha mwezi mmoja kuanzia tarehe 22 June 2011, kutokana na sababu zilizo nje ya uwezo wetu.

Tunapenda kuwafahamisha wadau wetu kuwa tutakuwa hewani kama kawaida kuanzia tarehe 23 July 2011. Kwa habari zaidi za Shein Rangers Sports Club tembelea facebook Page ya Shein Rangers Sports Club. Pia wadau wote mnakumbushwa kutuma habari zenu za michezo katika blog hii.

Asanteni sana by: Shein Rangers Sports Club

SHEIN KATIKA MAZOEZI

2011-06-22T13:28:00.000-07:00

Timu ya Shein Rangers SC, inaendelea na mazoezi kwa ajili ya mchezo wake wa mwisho wa makundi katika ligi ya vijana mkoa wa Dar es salaam. Shein itapambana na timu ya Kombora FC ya Temeke siku ya tarehe 24 June 2011 katika uwanja wa Twalipo Camp Mgulani.

DAYOSA CUP 2011/2012 SHEIN YASHINDA TENA

2011-06-20T15:51:00.000-07:00

LIGI YA SOKA VIJANA MKOA WA DAR ES SALAAM (DAYOSA)

Timu ya Shein Rangers SC ambayo ndio mabingwa wa Kinondoni katika ligi ya vijana (YOSO) imeendelea kuiwakilisha vizuri wilaya ya Kinondoni baada ya siku ya tarehe 18 June 2011 kuichapa timu ngumu ya Amadori toka wilaya ya Ilala bao 3 - 2 katika mchezo wa ligi ya soka kwa vijana ya mkoa wa Dar es salaam.

Magoli ya timu ya Shein Rangers katika mchezo huo uliochezwa katika uwanja wa shule ya msingi Mwananyamala 'B' yalifungwa na Said Issa (fela) Mrisho Juma (fuso) na George Harison. Mashindano hayo yameandaliwa na chama cha michezo kwa vijana mkoa wa Dar es salaam (DAYOSA) na kushirikisha timu bingwa toka wilaya zote za mkoa huo.

TIMU YA WATOTO SHEIN

2011-06-20T15:48:00.000-07:00

Timu ya watoto ya chini ya miaka 12 na 14 ya Shein Rangers SC.

DAYOSA CUP 2011/2012

2011-06-12T02:56:00.000-07:00

Timu ya Shein Rangers SC yaichapa Nusra bao 2 - 0

Timu ya Shein Rangers SC ya Sinza imeichapa timu ya Nusra SC toka Temeke bao 2 - 0 katika mchezo wa ligi ya soka ya vijana mkoa wa Dar es salaam (DAYOSA)uliofanyika katika uwanja wa shule ya msingi Mwananyamala "B". Mabao ya Shein Rangers (jezi bluu bahari) yalifungwa na Suleiman Waziri na Victor Wenslaus.

Mpaka sasa timu ya Shein Rangers imecheza michezo miwili, imetoka sare mchezo mmoja na kushinda mchezo mmoja, timu ya Shein Rangers imebakiza michezo miwili kuhitimisha michezo katika kundi lake.

WACHEZAJI WA AKIBA

2011-06-12T02:44:00.000-07:00

Wachezaji wa akiba wa Shein Rangers wakifatilia mchezo wa Shein na River Herous katika uwanja wa Magereza Ukonga.

SHEIN RANGERS WAANZA LIGI KWA SARE

2011-06-08T11:02:00.000-07:00

Timu ya Shein Rangers SC ya Sinza, imeanza mchezo wake wa kwanza wa ligi ya soka ya vijana mkoa wa Dar es salaam kwa kutoka sare ya bila kufungana na timu ya River Heroes ya Ilala. Mchezo huo uliochezwa siku ya tarehe 08 June 2011 katika uwanja wa Ukonga Magereza ulikuwa mzuri na wa kuvutia licha hali ya uwanja kuwa mbaya kutokana na mvua iliyokuwa ikinyesha uwanjani hapo.

Timu ya Shein Rangers watajilaumu wenyewe kwa kutotumia vizuri nafasi tatu za wazi ambapo wachezaji wake wangekuwa makini wangejipatia mabao ya mapema kabisa.

IMAGE PROFESSION SPORTS CLUB YA NAMANGA

2011-06-05T03:22:00.001-07:00

Timu ya Soka ya Image Profession toka Namanga jijini Dar es salaam, timu hii ni timu inayochipukia na yenye wachezaji wenye vipaji vya soka. IP Sports Club ni moja ya timu za vijana yenye kucheza soka la kuvutia, iwapo kuna timu yoyote itahitaji kucheza na timu hii wasiliana na blog hii.

SHEIN YAICHAPA IP SPORST BAO 4 - 0

2011-06-04T11:41:00.000-07:00

Timu ya soka ya Shein Rangers SC ya Sinza imeichapa timu ya soka ya IP Sports Club ya Namanga jijini Dar es salaam bao 4 - 0 katika mchezo safi na wakuvutia uliochezwa katika uwanja wa chuo cha Ustawi wa Jamii Kijitonyama siku ya tarehe 04 June 2011. Timu ya Shein Rangers ilitumia mchezo huo kama kipimo kwa ajili ya maandalizi ya mchezo wake wa kwanza wa ligi ya mkoa wa Dar es salaam itakayoanza tarehe 08 June 2011, magoli ya Shein Rangers katika mchezo huo yalifungwa na
Said Isaa (Fela), George Halison (Mwape),Timoth Emmanuel na Richard Frank (Boko).

SHEIN RANGERS WAKIJIFUA BEACH

2011-06-02T12:49:00.000-07:00

Wachezaji wa timu ya Shein Rangers SC, wakijifua mchangani katika fukwe ya bahari ya Hindi ili kujenga stamina.

MAZOEZI YASHIKA KASI

2011-05-29T14:24:00.000-07:00

Picha tofauti zikionyesha mazoezi ya timu ya Shein Rangers.

SHEIN RANGERS WAKIJIFUA

2011-05-25T13:42:00.001-07:00

Timu ya Shein Rangers SC, wakijifua katika uwanja wa TP Afrika sinza. Timu hii ambayo ni mabingwa wa YOSSO wilaya ya Kinondoni 2010/2011 inatarajiwa kushiriki mashindano ya ligi ya mkoa wa Dar es salaam kama bingwa toka Kinondoni.

SHEIN RANGERS KAZINI

2011-05-22T09:54:00.000-07:00

Kocha mkuu wa timu ya soka ya Shein Rangers Sports Club, Rashid Said akitoa maelekezo kwa wachezaji wake wakati wa moja ya michezo yake.

MCHEZAJI NYOTA WA SHEIN RANGERS ATAMBA MJINI LONDON

2011-05-16T01:24:00.000-07:00

Mchezaji nyota wa timu ya Shein Rangers SC ya Sinza Maharaj Lal Bulu (anayepokea kikombe) ambaye ana rekodi ya pekee ya kufunga mabao mengi katika timu hiyo amehamishia makali yake nchini Uingereza katika jiji la London baada ya kuiogoza timu ya Stratford Juniour kuichapa timu ya Inter Moore na kutwaa ubingwa wa East London siku ya terehe 15 May 2011. Picha zaidi za fainali hiyo hapa chini.

MAHARAJI WAKATI WA MCHEZO WA FAINALI

2011-05-16T01:15:00.000-07:00

NAHODHA WA SHEIN AWA MCHEZAJI BORA WA MECHI

2011-05-14T01:59:00.001-07:00

Nahodha wa timu ya Shein Rangers SC ya Sinza, Godfrey Wambula ambaye anachezea timu ya taifa ya vijana chini ya miaka 20 katika mashindano ya soka ambayo ni makubwa kuliko yote nchini ya taifa cup amekuwa mchezaji bora wa mechi kati ya timu Arusha na timu ya taifa ya vijana ya Tanzania. Pichani Wambula akipokea zawadi ya mchezaji bora wa mechi shilingi laki moja ya kitanzania katika uwanja wa chuo cha Ushirika Moshi.

TAARIFA YA MKUTANO

2011-05-12T04:08:00.000-07:00

Siku ya Jumapili tarehe 15 May 2011 kutafanyika mkutano wa kujadili maendeleo ya timu ya Shein Rangers SC na ushiriki wa ligi.

Mkutano huo utafanyika kuanzia saa nne kamili asubuhi katika shule ya msingi uzuri maeneo ya sinza darajani. Wanachama, wachezaji, wapenzi na wadau wote wa Shein Rangers. Wajumbe wote mnaombwa kufika bila kukosa na kuzingatia muda kwa ajili ya maendelea ya timu yetu.

Taarifa hii imetolewa na uongozi wa timu ya Shein Rangers Sports Club.

MSHIKAMANO CUP: SHEIN YATINGA ROBO FAINALI

2011-05-07T12:53:00.000-07:00

Timu ya Shein Rangers SC ya Sinza imefanikiwa kuingia hatua ya robo fainali ya mashindano ya Mshikamano Cup 2011/2012.

Timu ya Shein Rangers SC, ilijihakikishia kuingia robo fainali baada ya kuichapa timu ya African People ya Mabibo bao 3 - 1 katika mchezo uliochezwa katika uwanja wa Kinesi leo tarehe 7 Mei 2011. Magoli ya Shein katika mchezo huo yalifungwa na Victor Wenslaus, Munir Abdul na Jumanne Goa.

Pamoja na kucheza vizuri katika mchezo huo timu ya Shein Rangers ilipoteza nafasi nyingi za kufunga, katika mashindano hayo timu ya Shein Rangers imecheza mechi nne na kushinda tatu na kutoka sare mchezo mmoja, kwa matokeo hayo ndio timu inaongoza kundi lake.

NAHODHA WA SHEIN RANGERS AKIWA NA WACHEZAJI WENZAKE WA TIMU YA TAIFA YA VIJANA

2011-04-29T08:28:00.000-07:00

Nahodha wa timu ya Shein Rangers ya Sinza (wa pili toka kulia walioinama)Godyfrey .I. Wambura akiwa na wachezaji wenzake wa timu ya taifa umri chini ya miaka 23 (U23) Manyara Stars. Timu ipo kambini kwa kujiaandaa kwa mchezo wa marudiano dhidi ya timu ya taifa ya vijana ya Uganda.

KIJITONYAMA CHIPUKIZI SPORTS CENTRE BINGWA EASTER CHALLENGE CUP 2011/12.

2011-04-28T07:44:00.000-07:00

UONGOZI WA KIJITONYAMA CHIPUKIZI SPORTS CENTRE UNAYO FURAHA KUWAJULISHA WADAU WETU POPOTE MLIPO DUNIANI KUWA TIMU YETU IMEFANIKIWA KUCHUKUA UBINGWA WA KOMBE LA PASAKA 2011/12 BAADA YA KUIFUNGA TIMU YA KIJITONYAMA STAR FC KWA MAGOLI 2 KWA 0 MAGOLI YALIYOFUNGWA NA ALBERT KILIMBA D.K YA 16 NA RAMADHANI MZEE D.K YA 76 .

HIVYO KUJIPATIA ZAWADI YA SETI MOJA YA JEZI TOKA ZIZZOU FASSION NA KIKOMBE, TUNAWATUMIA BAADHI YA PICHA ZA AWALI NA BAADA YA HAPO UONGOZI UNAPANGA KUFANYA SHEREHE FUPI YA KUWAPONGEZA VIJANA WETU,TUNASHUKURU SANA KWA WADAU WALIOTUUNGA MKONO KWA HALI NA MALI WAKIONGOZWA NA BW,EVODIUS MTAWALA(KATIBU MKUU-SIMBA SPORTS CLUB) KWA SUPPORT KUBWA YA KUJA KUTUSHANGILIA,TUNASEMA ASANTENI SANA.

BY CHRIS FIDELIS (KATIBU MKUU MSAIDIZI) SIMU +255713481980.

TAARIFA HII IMETUMWA KWA NJIA YA MTANDAO NA UONGOZI WA KCSC

MICHEZO YA PASAKA ZANZIBAR 2011

2011-04-24T22:59:00.000-07:00

WACHEZAJI WA SHEIN RANGERS WAIBEBA KOMBAINI YA KINONDONI

Wachezaji wa timu ya Shein Rangers SC ya Sinza jijini Dar es salaam wameendelea kuonyesha uwezo mkubwa wa soka wakiwa na timu ya Kombaini ya Kinondoni huko Zanzibar katika michuano ya soka ya Pasaka.

Katika mchezo wa kwanza Kinondoni iliichapa Pita na Zako Rangers bao 1-0 bao lililofungwa na Mizza Abdallah (kutoka shein rangers). Na katika mchezo wa pili Kombaini ya Kinondoni iliichapa timu ngumu ya Coast Star bao 1 -0 mfungaji akiwa Jumanne Goa (kutoka shein rangers).

Michezo hiyo ya Pasaka imekuwa na msisimko mkubwa hufanyika kila mwaka, mwaka huu inafanyika Zanzibar katika uwanja wa Nungu uliopo Nungwi na kushirikisha timu tano amabazo ni Kombaini ya Kinondoni, Pita na Zako Rangers, Kaskazini A, Tumaini FC na Coast Star.

KIJITONYAMA CHIPUKIZI S.C YATINGA FAINALI EASTER CHALLENGE CUP 2010/11

2011-04-20T07:20:00.000-07:00

WACHEZAJI WA KCSC WAKIWA KATIKA PICHA YA PAMOJA KABLA YA MCHEZO WAO WA NUSU FAINALI NA TIMU YA MWENGE SHOOTING,UWANJA WA BORA KIJITONYAMA.

UONGOZI WA KIJITONYAMA CHIPUKIZI SPORTS CENTRE UNAYO FURAHA KUWAJULISHA WADAU WETU POPOTE MLIPO DUNIANI KUWA TIMU YETU IMEFANIKIWA KUINGIA FAINALI BAADA YA KUIFUNGA TIMU NGUMU YA MWENGE SHOOTING YA MWENGE KWA MAGOLI 4 KWA 2 .

TIMU YETU NDOGO YA U-17 INAENDELEA VYEMA NA MECHI ZAKE ZA COPA COCA COLA 2011 TUNAWAKARIBISHA WADAU NA WAPENZI WOTE WA SOKA KUJA KUIONA TIMU YETU ITAKAPOPAMBANA NA TIMU YA KIJITONYAMA STAR SIKU YA JUMAPILI YA TAREHE 24/04/2011 AMBAYO NI KILELE CHA PASAKA KATIKA UWANJA WA BORA KIJITONYAMA JIRANI NA POLISI MABATINI,MECHI HIYO INATARAJIWA KUANZA SAA 10:15 JIONI.
HAKUNA KIINGILIO .

WENU KATIKA KUKUZA NA KUENDELEZA VIPAJI.

BY CHRIS FIDELIS (KATIBU MKUU MSAIDIZI) SIMU+255713481980.

TAARIFA HII IMETUMWA KWA NJIA YA MTANDAO NA UONGOZI WA KCSC

SHEIN RANGERS YASHINDA 3 - 1

2011-04-17T11:26:00.000-07:00

LIGI YA MSHIKAMANO CUP 2011/2012

Timu ya Shein Rangers SC leo tarehe 17 Aprili 2011 imeichapa timu ya Mabibo Boys bao 3 - 1 katika mchezo mkali wa ligi ya Mshikamano Cup, katika mchezo huo uliochezwa katika uwanja wa Kines mabao ya Shein yalifungwa na Mengi John na Yusuph Suleiman na goli moja walijinga wenyewe.

Ushindi huo ulichangiwa sana na uelewano wa wachezaji waandamizi wa timu ya Shein Rangers walioingia kipindi cha pili wachezaji hao ni Yusuph Suleiman, Murshid Rashid, Minyi na Miza Dula. Wachezaji hao walipoingia walibadilisha sura ya mchezo na kuleta matokeo yaliyokuwa yanangojewa na watu wengi waliokuwepo uwanjani hapo.

NAHODHA WA SHEIN RANGERS AKIWA NA TIMU YA TAIFA

2011-04-17T01:46:00.000-07:00

Nahodha wa timu ya Shein Rangers SC ya Sinza Godyfrey .I. Wambura (wanne kutoka kushoto waliopiga goti)akiwa na kikosi cha timu ya taifa umri chini ya miaka 23 (U23) Manyara Stars walipokuwa nchini Uganda katika jiji la Kampala.

YANGA BINGWA 2010/2011

2011-04-11T03:14:00.000-07:00

Timu ya Yanga ya Dar es salaam imetwaa ubingwa wa soka wa Tanzania bara kwa mwaka 2010/2011 baada ya kushinda mchezo wake wa mwisho dhidi ya Toto Afrika ya Mwanza bao 3 - 0 katika uwanja wa CCM Kirumba Mwanza.

VIJANA WA TANZANIA WASONGAMBELE

2011-04-11T03:08:00.000-07:00

Wachezaji wa timu ya taifa ya soka ya Tanzania ya vijana chini ya umri wa miaka 23 (U23) Manyara Stars wakifurahi kwa pamoja baada ya kuiondoa katika mashindano timu ya taifa ya Cameroon kwa penati 4 - 3.

NAHODHA SHEIN NA TIMU YA TAIFA YA VIJANA

2011-04-05T04:22:00.000-07:00

Nahodha wa timu ya Shein Rangers SC ya Sinza Godyfrey Inocent (wa tatu kutoka kulia) kwa waliokaa viti vya mstari wa tatu toka mbele, akiwa na wachezaji wenzake wa timu ya taifa ya soka ya Tanzania umri chini ya miaka 23 (U23) wakifatilia mchezo wa Simba na TP Mazembe katika uwanja wa taifa jijini Dar es salaam.

TEGEMEO LETU LA KESHO

2011-04-03T07:33:00.000-07:00

Timu ya taifa ya Tanzania chini ya miaka 20 (U20) ikiwa katika moja ya michezo yake nje ya nchi. Timu hii ndio tegemeo letu la kesho katika soka la Tanzania.

MLINDA MLANGO WA SHEIN RANGERS

2011-04-02T02:42:00.000-07:00

Kutana na Muntasir Dawood mlinda mlango wa kutumainiwa wa timu ya Shein Rangers Sports Club ya Sinza, siku za hivi karibuni kiwango cha mlinda mlango huyo kimekuwa kwa kasi sana na kuweza kuwavutia wadau wengi wa soka mitaa ya Sinza na nje ya sinza.

SHEIN KUENDELEA NA MAZOEZI

2011-03-30T00:34:00.000-07:00

Baada ya timu ya soka ya Shein Rangers kutoka sare ya bao 1 - 1 na timu ya Kilimani FC katika mashindano ya Mshikamamo, timu hiyo inaendelea na mazoezi yake kama kawaida kujiwinda na michezo ya Pasaka. Shein ndio bingwa wa mashindano ya pasaka kwa mwaka 2010.

MSHIKAMANO CUP 2011/2012

2011-03-25T01:24:00.000-07:00

Timu ya Shein Rangers Sports Club leo inashuka dimba la uwanja wa Mkombozi saa kumi jioni kucheza mchezo wake wa pili wa ligi ya Mshikamano 2011/2012.

Timu ya Shein Rangers wawakilishi pekee wa timu za Sinza Uzuri imeahidi ushindi na mchezo mzuri.

EVANCE THOMAS UNATAKIWA

2011-03-22T02:52:00.000-07:00

Mchezaji aliyejitambulisha kwa jina la Evance Thomas aliyeomba kujiunga na timu ya Shein Rangers Sports Club kupitia njia ya mtandao anatakiwa kuripoti katika mazoezi ya Shein Ranger Sports Club saa kumi na nusu jioni katika uwanja wa TP Afrika Sinza. Kwa maelezo zaidi wasiliana na mwalimu wa Shein Rangers SC kwa simu namba 0717 294876.

NAHODHA WA TIMU YA SHEIN RANGERS ACHAGULIWA TIMU YA TAIFA CHINI YA MIAKA 23

2011-03-15T13:11:00.000-07:00

Mchezaji mwandamizi na nahodha wa timu ya Shein Rangers ya Sinza Godyfrey Inocent wa kushoto katika picha ya juu na wa kwanza kulia (waliosimama) picha ya chini amechaguliwa katika kikosi cha timu ya taifa chini ya miaka 23(Ngorongoro) kinachojiandaa kucheza na Camerun, hii ni mara ya pili kwa timu ya Shein Rangers kutoa mchezaji timu ya taifa, baada mwaka 2009 kumtoa Murshid Ally timu ya taifa chini ya miaka 17 (Serengeti Boys).

Viongozi na wachezaji wa Shein Rangers wanampongeza kwa kuchaguliwa kwake timu ya taifa na wanamtakia kila la heri balozi wa Shein Ranger katika timu ya taifa.

KIJITONYAMA CHIPUKIZI S.C YATINGA NUSU FAINALI RANGERS FAMILY CUP 2010/11

2011-03-02T13:09:00.000-08:00

WACHEZAJI WA TIMU YA KIJITONYAMA CHIPUKIZI S.C WALIPOKUWA WANAJIAANDAA NA MOJA YA MECHI ZA KIRAFIKI UWANJA WA TAIFA,DAR ES SALAAM.

UONGOZI WA KIJITONYAMA CHIPUKIZI SPORTS CENTRE UNAYO FURAHA KUWAJULISHA WADAU WETU POPOTE MLIPO DUNIANI KUWA TIMU YETU IMEFANIKIWA KUINGIA NUSU FAINALI BAADA YA MIZENGWE YA WAANDAAJI WA KOMBE HILO LUCKY RANGERS KUTAKA KUIBEBA TIMU YA DEPO F.C KUSHINDIKANA,LEO TAREHE 27-02-2011 KTK UWANJA WA S/M MWANANYAMALA B, KCSC IMEWEZA KUIFUNGA TENA TIMU YA DEPO FC KWA MAGOLI 3 KWA 1 MAGOLI YA KCSC YALIFUNGWA NA ADAM MWINGIRA DK YA 28 NA RAMADHANI SALIM DK YA 47 NA DK YA 59,KCSC ILIKUWA TIMU YA KWANZA TOKA AWALI KUINGIA NUSU FAINALI.

BY CHRIS FIDELIS (KATIBU MKUUMSAIDIZI) SIMU+255713481980.

SHEIN RANGERS YAICHAPA ABAJALO 3 - 2

2011-02-27T13:11:00.000-08:00

Timu ya Shein Rangers SC, imeichapa timu ya Abajalo FC ya Sinza bao 3 -2 katika mchezo wa kirafiki uliofanyika tarehe 27 February 2011 katika uwanjwa wa TP Afrika Sinza.

MSHIKAMANO CUP 2011/2012

2011-02-25T08:40:00.000-08:00

SHEIN RANGERS SPORTS CLUB YAANZA VIZURI

Timu ya Shein Rangers imeanza vizuri mchezo wake wa kwanza wa ligi ya Mshikamano Cup kwa kuichapa timu ya Palianda FC bao 2 - 1 katika uwanja wa Mkombozi.

Magoli ya Shein Rangers katika mchezo huo uliokuwa mgumu kwa pande zote yalifungwa na Victor Wenslaus na Ibrahimu Kombo.

KIJITONYAMA CHIPUKIZI S.C KUCHEZA ROBO FAINALI YA TATU KIAINA

2011-02-24T03:56:00.000-08:00

Uongozi wa Kijitonyama Chipukizi Sports Centre unawaomba radhi wadau wetu wote kwa kimya kutokana na ushiriki wao kombe la rangers kimsingi tulikuwa timu ya kwanza kuingia nusu fainali lakini kutokana na mizengwe ya waandaaji imeamuliwa kurudiwa kwa mchezo huo baada ya kcsc kupeleka malalamiko KIFA na wao kuamua jinsi walivyotaka,tunasema baada ya mashindano haya tutatoa tamko rasmi na ikibidi kuzishauri mamlaka husika jinsi mashindano ya watu binafsi yanavyotakiwa kuwa tunategemea support ya kutosha siku ya jumapili na tunasema tutakabiliana na kila hujuma ili mradi tumalizie mashindano haya nadhani mtu yeyote anayeishi mwananyamala anaelewa tulivyofanyiwa tunatoa rai kwa wakazi wote wa kijitonyama kuja kuona mechi hii ya 3 kama wenye mashindano walivyotaka na tunawahakikishia tutalinda heshima ya wakazi wote wa kijitonyama na wadau wetu wote.

By chris fidelis – katibu mkuu msaidizi

SHEIN RANGERS KATIKA MAANDALIZI YA MECHI

2011-02-11T12:47:00.000-08:00

Timu ya Shein Rangers ikiwa katika maandalizi ya mchezo wake wa ligi ya Youth Super Cup 2011 dhidi ya timu ya Kiungi ya Magomeni siku ya Jumapili tarehe 13 February 2011.

LIGI YA YOUTH SUPER CUP 2011

2011-02-09T13:58:00.000-08:00

TIMU YA SHEIN RANGERS SC KUIKARIBISHA KIUNGI FC

Siku ya tarehe 13 February 2011 timu ya Shein Rangers SC itakuwa mwenyeji wa timu ya Kiungi FC ya Magomeni katika mchezo wa ligi soka vijana mkoa wa Dar es salaam. Mchezo huo utakaochezwa katika uwanja wa TP Afrika sinza utakuwa wa marudiano baada ya Shein kushinda bao 1 - 0 katika mechi ya kwanza.

MAZOEZI

2011-02-06T13:35:00.000-08:00

MAANDALIZI KWA AJILI YA MECHI
Timu ya Shein Rangers inaendelea na mazoezi yake kama kawaida katika uwanja wa TP Sinza kwa ajili ya maandalizi ya mchezo wa fainali ya Vijana Cup 2010/2011 dhidi ya Star Rangers ya Kimara na michezo yake ya ligi ya mkoa wa Dar es salaam Youth Super Cup 2011 inayoendelea katika viwanja tofauti jijini.

LIGI YA YOUTH SUPER CUP 2011
Mchezo wa kwanza Shein Rangers imeichapa timu ya Kiungi ya Mangomeni bao 1 - 0.
Mchezo wa pili Shein Rangers imeichapa timu ya Makumbusho Talent bao 3 - 0.

Ligi hiyo inasimamiwa na Chama Cha Michezo Kwa Vijana Wadogo Wilaya Ya Kinondoni (KIDIYOSA) kwa upande wa Wilaya ya Kinondoni.

KIJITONYAMA CHIPUKIZI NDANI YA UWANJA WA TAIFA

2011-02-01T11:41:00.000-08:00

Timu ya Kijitonyama Chipukizi wakiwa katika picha tofauti siku walipocheza mchezo wa kirafiki na timu ya Simba B katika uwanja wa Taifa (Uwanja mpya).

SHEIN RANGERS YAICHAPA MAKUMBUSHO 3 - 0

2011-02-01T00:28:00.000-08:00

LIGI YA YOUTH SUPER CUP 2011 (LIGI SOKA YA VIJANA MKOA WA DAR ES SALAAM)

Timu ya Shein Rangers Sports Club ya Sinza jiji Dar es salaam imeendeleza ubabe wake kwa kuichapa timu ngumu ya Makumbusho Talent bao 3 - 0 katika mchezo wa ligi ya Youth Super Cup 2011, mchezo huo uliojaa ufundi na kasi ulichezwa katika uwanja wa TP Afrika sinza siku ya Jumapili tarehe 30 January 2011.

Ligi hiyo inayosimamiwa na chama cha kuendeleza vijana wadogo wilaya ya Kinondoni (KIDIYOSA) inachezwa katika mtindo wa nyumbani na ugenini, huu ni mchezo wa pili kwa Shein kuibuka na ushindi katika ligi hiyo katika mechi mbili ilizocheza.

MCHEZAJI TANZANIA APATA TIMU ULAYA

2011-01-27T13:17:00.000-08:00

Mchezaji wa kimataifa wa Tanzani Asha Rashid a.k.a Mwalala amepata timu barani ulaya nchini Uturuki. Habari zaidi za safari yake na timu yake mpya zitawajia baada ya mahojiano maalum kati yake na blog hii.

SHEIN KUIKARIBISHA MAKUMBUSHO TALENT NYUMBANI

2011-01-24T22:50:00.000-08:00

LIGI YA YOUTH SUPER CUP 2011 (LIGI YA SOKA MKOA WA DAR ES SALAAM)

Siku ya Jumapili tarehe 30 January 2011 timu ya Shein Rangers SC ya Sinza itakuwa mwenyeji wa timu ya Makumbusho Talent katika mchezo wa ligi ya Youth Super Cup 2011 inayosimamiwa na Chama Cha Michezo Kwa Vijana Wilaya ya Kinondoni (KIDIYOSA) kwa upande wa wilaya ya Kinondoni. Mchezo huo utachezwa katika uwanja wa TP Africa Sinza.

Mchezo huo utakuwa ni wa pili kwa timu ya Shein Rangers katika ligi hiyo baada ya mchezo wa kwanza kuichapa timu ya Kiungi ya Magomeni bao 1 - 0 huko huko kwake. Mchezo kati ya Shein Rangers na Makumbusho Talent unatarajiwa kuwa mgumu kwani mara ya mwisho timu hizo zilipokutana katika mchezo wa kirafiki Shein Rangers ililala bao 4 - 2.

SHEIN RANGERS YAANZA LIGI VIZURI

2011-01-23T23:09:00.000-08:00

Timu ya Shein Rangers Sports Club ya Sinza jijini Dar es salaam (jezi za njano) imeanza vizuri mchezo wake wa kwanza wa ligi ya YOUTH SUPER CUP 2011 inayosimamiwa na chama cha michezo kwa vijana Wilaya ya Kinondoni (KIDIYOSA) kwa kushinda mchezo wa ugenini kwa kuicha Kiungi FC ya Magomeni bao 1 - 0. Bao la Shein Rangers lilifungwa na Daud Mfaume kwa kichwa akiunganisha mpira wa adhabu ndogo uliopigwa na Munir.

SHEIN RANGERS KATIKA MAANDALIZI YA MCHEZO WA KESHO

2011-01-22T04:42:00.000-08:00

Timu ya Shein Rangers Sports Club ikiwa katika maandalizi ya mwisho mwisho kwa ajili ya mchezo wa kesho na Kiungi FC ya Magomeni.

YOUTH SUPER CUP 2011

2011-01-21T21:25:00.000-08:00

SHEIN RANGERS KUSHIRIKI LIGI YA YOUTH SUPER CUP

Ligi hiyo itakayoshirikisha timu sita bora toka Wilaya ya Kinondoni alafu nne za juu zitaungana na timu toka wilaya zote za mkoa wa Dar es salaam, ligi hiyo itachezwa kwa mtindo wa mzunguko kwa mechi za nyumbani na ugenini.

Mchezo wa kwanza kwa Shein Rangers utacheza ugenini na timu ya Kiungi FC ya Magomeni siku ya Jumapili tarehe 23 January 2011, mchezo huo awali ulikuwa uchezwe tarehe 22 January 2011 kutokana na sababu zisizozuilika imesogezwa mbele kwa siku moja.

CHIPUKIZI NA DEPO FC KUPAMBANA ROBO FAINALI RANGERS CUP

2011-01-20T12:07:00.000-08:00

KIKOSI KIKOSI CHA TIMU YA KIJITONYAMA CHIPUKIZI SPORTS CENTRE KATIKA PICHA YA PAMOJA. KIKOSI HIKI KITAPAMBANA NA DEPO FC KATIKA MCHEZO WA ROBO FAINALI YA RANGERS CUP 2010/2011 KATIKA UWANJA WA SHULE YA MSINGI MWANANYAMALA B.

TAARIFA HIZI ZIMETUMWA KWA NJIA YA MTANDAO NA UONGOZI WA KCSC

RATIBA YA ROBO FAINALI KOMBE LA RANGERS 2010/11

2011-01-19T22:59:00.000-08:00

RATIBA HII KWA HISANI YA KCSC

SHEIN WAKIJIFUA

2011-01-15T21:23:00.000-08:00

Timu ya Shein Rangers SC wakijifua kwa ajili ya maandalizi ya fainali ya ligi ya VIJANA CUP 2010/2011.

WAKATI HUO HUO: Timu ya Shein Rangers imeichapa timu ya Police Oysterbay bao 6 - 1 katika mchezo wa kirafiki uliofanyika siku ya Jumamosi tarehe 15 January 2011 katika uwanja wa TP.

SHEIN YAJIPANGA UPYA BAADA YA KUPOTEZA MCHEZO

2011-01-13T21:07:00.000-08:00

Baada ya timu ya Shein Rangers kupoteza mchezo wake wa kirafiki katika uwanja wake wa nyumbani hivi karibu, timu hiyo imejipanga upya ili hali hiyo isijirudie tena.

Vile vile timu hiyo inajipanga kwa ajili ya mchezo wa fainali ya VIJANA CUP 2010/2011 dhidi ya timu ya Star Rangers ya Kimara. Mchezo huo wa fainali unatarajiwa kuwa mgumu kwa kuwa mara ya mwisho timu hizo zilikutana katika fainali ya LIGI YA YOSSO 2010 mkoa wa Kinondoni na timu ya Shein Rangers SC, kuibuka mabingwa.

SHEIN RANGERS YACHAPWA 4 - 2

2011-01-09T12:37:00.000-08:00

Timu ya Shein Rangers SC leo imechapwa kipigo cha aibu katika uwanja wake wa nyumbani na timu ya Makumbusho Talent bao 4 - 2 katika mchezo wa kirafiki.

SHEIN YAINGIA FAINALI VIJANA CUP

2011-01-08T03:36:00.000-08:00

Timu ya Shein Rangers SC ya Sinza, leo asubuhi imekata tiketi ya kuingia fainali ya VIJANA CUP 2010/2011 baada ya kuichapa timu ngumu ya Taifa toka Tandika bao 2 - 1 katika mchezo wa nusu fainali uliochezwa katika uwanja wa Villa Squad Jangwani jijini Dar es salaam.

Magoli ya Shein Rangers yalifungwa na Miza Abdallah na Chris Alex (Messi). Kwa matokeo hayo Shein Rangers imetinga fainali na inangojea mshindi kati ya EMIMA na Star Rangers ambao watapambana kesho katika nusu fainali ya pili kwenye uwanja huo huo.

CHIPUKIZI YAINGIA ROBO FAINALI YA RANGER FAMILY CUP 2010/11

2011-01-08T03:28:00.000-08:00

UONGOZI NA WANACHAMA WA KIJITONYAMA CHIPUKIZI SPORTS CENTRE UNAYO FURAHA KUWAFAHAMISHA WADAU WETU WOTE WA SOKA KUWA TIMU YETU YA U-20 IMEKUWA TIMU YA KWANZA KUTINGA HATUA YA ROBO FAINALI JANA BAADA YA TIMU YA MBURAHATI ALL STAR(MIRAMBO ) KUTOTOKEA UWANJANI NA HIVYO KCSC KUPEWA MAGOLI MATATU NA POINTI 3 NA KUFIKISHA JUMLA YA POINTI 8,BAADAE KCSC ILICHEZA MCHEZO WA KIRAFIKI NA TIMU YA AMREF F.C NA KUISHINDA GOLI 7-0.KCSC INATEGEMEA KUKUTANA NA TIMU ZA SIMBA B,YANGA B AU AZAM B RATIBA YA ROBO FAINALI ITAKAPOTOLEWA.

TAARIFA HII IMETUMWA KWA NJIA YA MTANDAO NA:-

CHRIS FIDELIS(KATIBU MKUU MSAIDIZI-KCSC)

BLOG YA SHEIN RANGERS YATIMIZA MIAKA MIWILI LEO

2011-01-07T00:17:00.000-08:00

Leo siku ya tarehe 7 January 2011 Blog hii inatimiaza miaka miwili toka kuanzishwa kwake.

Uongozi wa timu ya Shein Rangers Sports Club unapenda kutoa shukurani kwa wadau mbali mbali wanaotembelea blog hii na kutoa maoni yao, wapenzi wa michezo, blog mbali mbali marafiki na viongozi wa vilabu vya michezo marafiki na wadau wakubwa wa blog hii.

Kwa kipindi cha miaka miwili idadi ya wasomaji wa blog hii imeongezeka mara tatu zaidi ya mwaka jana na pia kwa sasa blog hii ina link na mitandao mbali mbali duniani ikiwemo mtandao maarufu duniani wa facebook.

Hapa chini tumeandaa picha na matukio muhimu yaliyoripotiwa na blog hii kwa kipindi cha miaka miwili iliyopita.

ASANTE KWA KUICHAGUA SHEIN RANGERS SPORTS CLUB

MATUKIO MUHIMU YA SHEIN RANGERS KWA MWAKA 2010

2011-01-04T04:29:00.000-08:00

Yafuatayo chini ni matukio muhimu, habari na picha za timu ya Shein Rangers Sports club kwa kipindi cha mwaka 2010 uliomalizika kwa mafanikio makubwa kimichezo kwa timu hiyo.

Uongozi wa timu ya Shein Rangers unapenda kutoa pongezi kwa wadau wote wa michezo kwa kutuunga mkono kwa kipindi cha mwaka 2010.

KOMBE LA SIKU YA UKIMWI 2010

2011-01-04T04:03:00.000-08:00

Mwaka 2010 timu ya Shein Rangers iliweza kutwaa ubingwa wa UKIMWI DAY CUP 2010 mashindano yaliyoshirikisha timu na vituo mbali mbali vya michezo vya mkoa wa Dar es salaam.

SIKU SHEIN ILIPOCHEZA NA TWIGA STARS

2011-01-04T03:55:00.001-08:00

Ndani ya mwaka 2010 timu ya Shein Rangers ilicheza michezo miwili na timu ya Taifa ya wanawake Twiga Stars katika uwanja wa Karume.

SHEIN NA YANGA B

2011-01-04T03:52:00.000-08:00

Siku timu za Shein Rangers na Yanga B zilipokutana katika uwanja wa Kaunda hii ilikuwa mwaka 2010.

TIMU YA SHEIN ILIPOTWAA UBINGWA WA KINDONDONI 2010

2011-01-04T03:46:00.000-08:00

Mwaka 2010 timu ya Shein Rangers ilitwaa ubingwa wa mkoa wa Kinondoni katika ligi ya vijana chini ya miaka 17 YOSSO.

WAGENI

2011-01-04T03:40:00.000-08:00

Mwaka 2010 timu ya Shein Rangers ilipata wageni toka Japan na Canada waliokuja kuitembelea timu baada ya kupata habari zake kwa njia ya mtandao.

SHEIN ILIPOTWAA UBINGWA WA PASAKA 2010

2011-01-04T03:28:00.000-08:00

Shein Rangers wakifurahia baada ya kukabidhiwa ubingwa wa PASAKA 2010 mashindano yaliyoshirikisha timu za Kinonzoni na Zanzibar.

AZAM NA SHEIN RANGERS ZILIPOKUTANA

2011-01-04T03:20:00.000-08:00

Siku timu ya Azam ilipocheza na Shein Rangers katika uwanja wa chuo kikuu cha DSM na kurudiana katika uwanja wa Uhuru hii ilikuwa mwaka 2010

SHEIN WALIPOPOKEA ZAWADI TOKA FAMILIA YA COLONEL SEIF

2011-01-04T03:14:00.000-08:00

Wachezaji wa Shein Rangers wakipokea zawadi ya vifaa vya michezo toka kwa wawakilishi wa familia ya marehemu Col Seif wa Mikocheni Regent Estate. Familia iliwakilishwa wajukuu wa Col Seif.

SHEIN RANGERS ILIPOZINDUA JEZI ZA 2010

2011-01-04T03:09:00.000-08:00

Shein Rangers SC, siku walipozindua jezi mpya kwa matumizi ya msimu wa mwaka 2010 hii ilikuwa mwaka 2010.

MATUKIO MUHIMU YA SHEIN RANGERS KWA MWAKA 2009

2011-01-03T14:13:00.000-08:00

Yafuatayo chini ni matukio muhimu na picha vilivyojitokeza ndani ya kipindi cha mwaka 2009 katika timu ya Shein Rangers Sports Club.

Uongozi wa Shein Rangers unatoa shukurani kwa wadau wake wote na wapenda michezo kwa ujumla kwa ushirikiano wenu katika masuala mbali mbali.

SHEIN WALIPOCHEZA NA TSA

2011-01-03T14:05:00.000-08:00

Siku timu ya Shein Rangers ilipocheza na timu ya TANZANIA SOCCER ACADEMY (TSA) inayomilikuwa na Shirikisho la Soka nchini TFF. Ilikuwa mwaka 2009.

TIMU TA SHEIN WALIPOTEMBELEA UFUKWENI

2011-01-03T13:59:00.000-08:00

Wachezaji na viongozi wa timu ya Shein Rangers SC, walipokuwa katika mapumziko kwenye fukwe ya bahari ya hindi huko kingamboni mwaka 2009.

SHEIN WALIPOCHEZA NA TWALIPO

2011-01-03T13:54:00.000-08:00

Manahodha wa timu ya (TYSF) na Shein Rangers chini ya miaka 12 wakiwa katika picha ya pamoja na waamuzi wa mchezo wao, nahodha wa Shein Rangers Moses Leonald (jezi bluu bahari) na nahodha wa (TYSF) Mussa Bakari (jezi yenye mistari ya bluu na nyekundu).

UBINGWA MAMA HIDAYA CUP 2009

2011-01-03T13:47:00.000-08:00

Nahodha wa Shein Rangers Amme Mohamed akipokeza zawadi ya jezi baada ya timu ya Shein Rangers kutwaa ubingwa wa MAMA HIDAYA CUP 2009 huko Mburahati.

SHEIN RANGERS ILIPOANDAA MASHINDANO MAALUM YA KUTAFUTA WATOTO WENYE VIPAJI

2011-01-03T13:37:00.000-08:00

Timu ya Shein Rangers mwaka 2009 iliandaa mashindano maalum yaliyoshirikisha watoto chini ya miaka 12 na 14 wapatao 70 kusaka watoto wenye vipaji.

SHEIN ILIPOTOA ZAWADI KWA WATOTO YATIMA

2011-01-03T13:30:00.000-08:00

Wacheza na viongozi wa timu ya Shein Rangers walipotembelea kituo cha kulelea watoto yatima na kutoa zawadi katika kituo cha Sikitiko Magomeni Mikumi.

SHUJAA WA AFRIKA 2009

2011-01-03T13:25:00.000-08:00

Mchezaji wa Shein Rangers Murshi Rashid ambaye alikuwa miongoni mwa wachezaji nane bora wa Afrika walioteuliwa kutengeneza video ya mashujaa wa Afrika. Wachezaji hao waliteuliwa toka katika mashindano ya copa coca cola nchini Afrika Kusini.

HII NAYO NI MWAKA 2009 WAKATI WA KUTENGENEZA VIDEO

2011-01-03T13:16:00.000-08:00

Waandaaji wa video inayoonyesha mashujaa wa Afrika wa mashindano ya vijana wa copa coca cola nchini Afrika Kusini, video hiyo ilishirikisha wachezaji wote wa Shein Rangers.

HII ILIKUWA SINZA CUP 2009

2011-01-03T13:05:00.000-08:00

Mbunge wa jimbo la Kinondoni Mh Iddi Azzan akimkabidhi nahodha wa timu ya Shein Rangers SC, Godfrey Inocent Wambura zawadi ya jezi baada ya kutwaa ubingwa wa SINZA (DIWANI) CUP 2009 mashindano yaliyoshirikisha timu toka kata mbalimbali za kinondoni.

HERI YA MWAKA MPYA

2011-01-02T00:53:00.000-08:00

Timu ya Shein Rangers SC, inawatakia wadau wake wote na wanamichezo wote duniani heri ya mwaka mpya 2011.

Ni imani yetu mwaka mpya wa 2011 utakuwa wa mafanikio kwa wanamichezo na ni mwaka wa kupiga hatua katika mabadiliko ya michezo nchini.

HAPPY NEW YEAR 2011

MAZOEZI YASHIKA KASI

2010-12-31T02:24:00.000-08:00

Mazoezi ya timu ya Shein Rangers SC, yanaendelea kwa kasi kwa ajili ya maandalizi ya mchezo wa nusu fainali ya VIJANA CUP 2010.

SHEIN RANGERS YATINGA NUSU FAINALI VIJANA CUP

2010-12-29T04:32:00.000-08:00

Timu ya Shein Rangers SC, imeichapa timu ya Seba Football Club bao 8 - 3 katika mchezo mkali na wakuvutia wa robo fainali ya VIJANA CUP 2010.

Kwa matokeo hayo ya mchezo huo uliochezwa leo asubuhi katika uwanja wa Villa Squad timu ya Shein Rangers imetinga hatua ya nusu fainali ya mashindano hayo.

Magoli ya Shein yalifungwa na Victor Wenslaus 3, Jumanne Goa 2,Mbwana Eliasa 1,Timoth 1 na George Harison 1.

SHEIN WAENDELEA NA MAZOEZI

2010-12-28T12:09:00.000-08:00

Timu ya Shein Rangers SC, yaendelea na mazoezi yake kama kawaida katika uwanja wa TP Sinza.

WACHEZAJI WAKIPATA MSOSI

2010-12-27T01:45:00.000-08:00

Wachezaji wa timu ya Shein Rangers Sports Club wakipata chakula baada ya kuchukua ubingwa UKIMWI CUP 2010.

MAZOEZI KUENDELEA LEO

2010-12-27T01:39:00.000-08:00

Baada ya mapumziko ya siku mbili kusheherekea sikukuu ya x mas, timu ya Shein Rangers itaendelea na mazoezi yake kama kawaida kuanzia leo.

Wachezaji wote wanakumbushwa kuzingatia muda wa kuwahi mazoezini.

MAPUMZIKO YA SIKUKUU X - MAS

2010-12-23T03:15:00.000-08:00

Kutokana na sikukuu ya Christmas uongozi wa timu ya Shein Rangers Sports Club umetoa mapumziko ya siku mbili kwa wachezaji wake wote, wachezaji watapumzika tarehe 25 na 26 December 2010 na mazoezi yataendelea kama kawaida tarehe 27 December 2010.

Shein Rangers inawatakia watu wote sikukuu njema!

NAHODHA WA SHEIN RANGERS

2010-12-21T13:25:00.000-08:00

Nahodha wa Shein Rangers SC, Godfrey Inocent (kushoto) akiwa na mchezaji mwenzake wa Shein Victor Wenslaus katika mashindano ya UKIMWI DAY 2010.

KILIMANJARO STARS WAPELEKA KOMBE IKULU

2010-12-13T23:52:00.000-08:00

Wachezaji na viongozi wa timu ya taifa ya Tanzania Bara (Kilimanjaro Stars) wamkabidhi Rais wa Jamhuri ya Muungano wa Tanzania Dr Jakaya Mrisho Kikwete kombe la ubingwa wa CECAFA. Shughuli hii ilifanyika Ikulu jijini Dar es salaam.
Pichani chini wachezaji na kocha wa Kilimanjaro Stars wakifurahia ubingwa wa CECAFA katika uwanja wa taifa jiji Dar.

TANZANIA BARA BINGWA

2010-12-12T12:55:00.000-08:00

Timu ya soka ya Tanzania Bara imefanikiwa kuchukua ubingwa wa CECAFA TUSKER CUP 2010/2011 kwa kuichapa timu ya Ivory Coast bao 1 - 0 katika mchezo wa fainali uliofanyika katika uwanja wa taifa jijini Dar es salaam.

WATOTO WA SHEIN

2010-12-11T08:26:00.000-08:00

Timu ya watoto chini ya miaka 14 (U14) ya Shein Rangers wakipasha misuli moto kabla ya kuanza moja ya michezo yake.

MIAKA 49 YA UHURU

2010-12-10T12:08:00.000-08:00

Viongozi na wachezaji wa timu ya Shein Rangers SC, wanawapongeza watanzania wote kwa kusheherekea miaka 49 ya Uhuru wa Tanzania Bara (Tanganyika) kwa utulivu na amani.

TANZANIA BARA YAICHAPA RWANDA 1- 0

2010-12-09T06:11:00.000-08:00

Timu ya soka ya Tanzania Bara Kill Stars imeichapa timu ya taifa ya Rwanda bao 1 - 0 katika mchezo wa robo fainali ya CECAFA Tusker Cup katika uwanja wa taifa jijini Dar es salaam. Robo fainali ya kwanza ilizikutanisha Uganda na Zanzibar ambapo Uganda walishinda kwa penati 5 - 3 baada ya kutoka sare ya 2 - 2 katika dakika 90 za mchezo.